Lagið „Nowhere“ fjallar um tilfinninguna að vera staddur á krossgötum í lífinu. Fyrsta plata Rebekku „Wondering“ kom út 2017 og er loksins von á nýrri plötu úr hennar smiðju. 

Nýjasta smáskífa söngkonunnar Rebekku Sifjar kom út föstudaginn 12. febrúar 2021.

Rebekka Sif og Aron Andri Magnússon gítarleikari eru höfundar lagsins og hafa verið að vinna að breiðskífu síðan haustið 2020. Nú þegar eru nokkur lög tilbúin og má vænta annarar smáskífu seint í vor. Arnór Sigurðarson sá um upptökustjórn og trommur, Daniel Alexander Cathcart Jones spilaði inn píanó og Gunnar Sigfús Björnsson reif í bassann. Platan hefur fengið styrk frá Stef. 
​
Mikið er um að vera hjá Rebekku Sif þessa dagana en ásamt því að vera að vinna í nýrri tónlist er hún einnig ljóðskáld og fyrsta ljóðabók hennar, Jarðvegur, kom út fyrir jólin. 

Wondering 

„...tilkomumikið byrjendaverk þar sem sterk söngrödd Rebekku er í forgrunni.“
Arnar Eggert Thoroddsen, tónlistarýnir hjá Rás2

 Á plötunni „Wondering“ eru ellefu fjölbreytt frumsamin lög sem spanna allt frá indie poppi til rokktónlistar. Fyrsta plata Rebekku Sifjar „Wondering“ er fáanleg í flestum búðum Pennans Eymundsson, Máli og menningu, 12 tónum, Lucky Records, Smekkleysu og á Þingvöllum.  Einnig er hægt að nálgast plötuna með stafrænu niðurhali inná CDBaby eða Apple Music.