Triste // Ímyndunarsýn

Næstu tvo mánuði í skapandi sumarstarfi mun ég vinna með honum Kjartani Jósefssyni Ognibene, píanó og orgelleikara. Sumrið byrjaði með kósí æfingum á bæði klassísku og rhytmísku prógrami sem við munum svo spila fyrir bæjarbúa. Samhliða því hef ég mikið verið að semja ljóð og texta, en ég snaraði einum bossa nova texta yfir á íslensku sem mig langar að deila með ykkur. Upprunalega útgáfan heitir Triste eftir Tom Jobim og er á portúgölsku en hægt verður að hlusta á hana hér fyrir neðan. Á íslensku nefndi ég lagið Ímyndunarsýn og er textinn alfarið eftir mig en undir áhrifum frá hinum portúgalska. 

---

Ímyndunarsýn

Sárt er að lifa ein án þín,
​grimm er sú heita ástarþrá.
Sárt er að sjá að
þú varst aðeins ímyndunarsýn.
Sem var aldrei hér, var aldrei þar,
ó náttfari, hvað amar að?

Fegurð þín flýr til skýjanna.
Vesalings hjartað tekur kipp
er þú hverfur í burt frá mér
og brýst úr draumum mínum.
Sárt er að lifa ein án þín.