ENGLISH BELOW
​Ég tók upp þessa ábreiðu með vinkonu minni Emilie sem ég kynntist fyrir 5 árum í Complete Vocal Institute þegar ég var 19 ára gömul og fór í söngakademínuna þeirra. Hún býr í Köben og fær að vera tilraunadýrið mitt þegar ég ke á kennaranámskeiðin þar sem ég fæ að testa kennsluaðferðirnar sem ég er að læra á henni. Emilie tók líka viðtal við mig um hvað þýðingu brasilísk tónlist hefur fyrir mig, en ég lærði að syngja bossanova þegar ég var í FÍH. Emilie talar reiprennandi portúgölsku og er með YouTube rás þar sem hún býr til myndbönd á portúgölsku, ég skal deila einu með ykkur þar sem hún syngur portúgalskt lag alveg yndislega. En já.. þegar ég var í FÍH var ég svo þrjósk að ég ákvað að læra bossanova lagið Desafinado á portúgölsku því mér fannst það alveg glatað með enska textanum. Þó að ég kynni alls ekki portúgölsku þá tókst mér það og ég kann það ennþá! Síðan þá hefur bossanova átt sérstakan stað í hjarta mér, sérstaklega tónlistin hans Antonio Carlos Jobim. Við Emilie ætlum að reyna að taka upp dúett saman í október þar sem við syngjum á portúgölsku :) 

Ég ætla að byrja að vera duglegri við að setja inn svona ábreiður, bæði ein og með öðrum. Megið endilega fylgjast með mér á YouTube með því að ýta á Subscribe. Njótið <3

I recorded this cover with my friend Emilie that I met five years ago when I was 19 while doing the Academy at Complete Vocal Institute in Copenhagen. She lives there and is going to let me test the singing techniques I am learning on her. I am going to start recording a lot of covers and posting them on YouTube, alone and with others, so be sure to subscribe. Enjoy! ​

Við Aron sömdum nýtt lag á dögunum og prufukeyrðum það á Söngvaskáldakvöldinu á Dillon. Langaði að deila með ykkur hluta af því, njótið.
//
This is a new song that Aron and I wrote recently and tested out at a songwriters concert this week. Wanted to share a part of the song with you guys, enjoy. 

Nú líður brátt að lokum Skapandi sumarstarfa í Garðabæ þetta árið. Sumarið hverfur svo snöggt að loka listviðburðurinn er eftir aðeins fjóra daga. Sýningastaðurinn er Grósku salurinn á Garðatorgi, þar sem sýning síðasta árs var einnig. Ég mun fara út fyrir þægindarammann og halda ljóðasýningu ásamt því að vera með lokatónleika með Kjartani. Ljóðin hafa átt hug minn allan núna í júlí en þessa dagana erum við Kjartan að æfa ný lög til að spila næsta þriðjudag kl. 18 á sýningarsvæðinu.

Ég tók saman nokkrar myndir frá sumrinu sem tengjast tónlistarstarfinu. Það er smá texti undir þeim fyrir forvitna, hann ætti að gefa ykkur smá innsýn í sumarið sem er að líða. 

Síðasta fimmtudag var Jónsmessugleði Grósku haldin við strandlengjuna í Sjálandinu í Garðabæ. Skapandi sumarstarf var á sínum stað, með sýningasvæði næst Gálgahrauni. Við tónlistarfólkið hópuðum okkur saman og fluttum frumsamin lög eftir mig á hólnum, ásamt því að vera hvert og eitt með sér atriði í tjaldinu á sýningarsvæðinu okkar.

​Hér er myndband af mér og Kjartani að flytja lagið „Ímyndunarsýn" en einnig má sjá nokkrar myndir hér fyrir neðan!