RSS Feed
|
Að vera veikur er versta martröð söngvarans. Versta martröð manneskjunnar sem hefur metnað á við hálfan heiminn. Ég finn það alltaf á mér. Te drykkjan hefur aukist á síðustu dögum. Næ ekki að festa svefn, og halda honum. Hitnar og kólnar til skiptis, svitna eða er ískalt. Það er alltof bjart úti, þrátt fyrir að vera skýjað.
Stærsta vísbendinginn er mótþróinn. ,,Nei ég er ekki veik. Jú ég mæti víst í vinnuna. Ég þarf að gera svo mikið, hef ekki tíma fyrir þetta." Síðan byrjar maður að pína sig. En núna er augnablikið sem maður sættir sig við þetta. Hæ veira, þú uppáþrengjandi hýsill, við skulum lifa í sátt og samlyndi. en bara í dag samt. takk fyrir pent.
0 Comments
 Jón vildi ekki fara á uppistand Mið Íslands.
Það er ekkert 3G samband í Þjóðleikhúskjallaranum. Jón les aldrei bækur. Hann gleymir alltaf að setja þær inná GOODREADS. Jón fór ekki í 120 km hjólaferðina. Þar sem hann gleymdi að taka hana upp á STRAVA. Það veit enginn hvað Jón er skemmtilega spontant gaur. Hann kann ekki að setja video í mystory á SNAPCHAT. Jón er enginn áhugaljósmyndari. Hann er atvinnuljósmyndari, enda er hann með INSTAGRAM. Það hlustar enginn á tónlistina hans Jóns. Hún er ekki á SPOTIFY. Jón segir aldrei brandara. Hann er ekki með TWITTER. Það sem Jón gerði í dag gerðist ekki. Hann gleymdi að taka mynd og pósta henni á FACEBOOK. Jón á ekkert hús. Það er ekki á GOOGLEMAPS. Jón á enga vini. Nema á FACEBOOK.   Ég starði forviða á skjáinn. ok. ok? Afhverju gerðir þú ekki broskall? Hvað þýðir ok? Ok, þú hefur ekki áhuga? Ok, þú ert of busy til að skrifa meira? Ok, þú hlakkar til að heyra í mér? Ok, ÞÚ VIL ALDREI SJÁ MIG AFTUR! HVAÐ ER ÞAÐ? Hvernig ætlastu til að ég geti túlkað þessi tveggja stafa skilaboð sem þú skaust beint í hjartastað í gegnum tölvuskjáinn. Ég finn oddkvasst orðið skera sér leið í gegnum hjartagáttirnar í átt að kjarna mínum. Ég róa mig niður. Kannski ert þú að keyra. Ert þú online á Web eða Mobile? Mobile. Þá gæti vel verið að þú sért að gera eitthvað mikilvægt. Kannski að hjúkra deyjandi ömmu þinni. Já. Það hlýtur að vera. Ég vil ekki vera vond. Ég sendi kyssukall til baka. Bara ef svo vill til að þú sért við dánarbeð afa þíns.  BROSKALL MEÐ LITLU BROSI?
Hversu mikið SLAP IN THE FACE! Nei nú segi ég stopp. Ég læt engan koma svona fram við mig! Ég er ekki eitthvað tilfinningalaust skordýr! Ég er mannvera. Þvílíkt virðingaleysi! Ég ætla aldeilis ekki að svara þér aftur. Það sem ég þjáist við þessa ákvörðun. Ást mín á þér, óendurgoldin. Ég mun fella tár í hvert skipti sem ég sé glitta í nafn þitt á fréttaveitunni. Detta örmagna niður þegar þú er merktur á myndir. Hluti af syrgjandi sál minni mun hverfa í hvert skipti sem ég sé þig skilja eftir ummæli hjá framtíðar elskhugum. Nei það er ekki að fara að gerast. Unfriend. |
